各位,我好開心呀, 我簽左俾P&T (E&M) LIMITED HK [巴馬丹拿集團] 了

而家咩野事呀?! 做乜搵到工都仲要俾人串???

話說我搵到一份BS consultant既工, pay都算係幾好的, 五天工作制, 有OT,有花紅,12天年假, 又唔使落SITE, 我自己就覺得好彩到好似中左六合彩咁囉, 但係點解D 人硬係覺得.....特別係D師奶, 總覺得你一大學畢業就應該搵番3~4萬先叫似樣, 如果唔係就當你係失敗者咁.

事源我同我個補習學生個呀媽講我就來返工, 遲D唔補了, 佢就問我: 點解唔繼續讀上去呀? 我話我想做野, (其實我報左MPHIL, 不過無乜聲氣......). 又問我做乜, 我話ENGINEERING CONSULTANT, 佢再問: 咁人工點呀? 有無二萬?......我話無......佢就話: 乜點解人地可以一畢業就搵到3~4萬既? 我心諗: 我點Q知呀?! 做engineering 除左貪污之外一開始根本無可能有幾皮野......

我其實覺得一個freshman無經驗,呢個價都差唔多架了, 我已經好滿足, 雖然無可能同做financial既朋友比, 但係都比上不足,比下有餘了

如果 JRP唔係咁遲的話, 我諗我會做JRP......有少少可惜